«Борылып карыйм туган нигезгә» Николай Алешковның юбилей иҗат кичәсе (+6)

10 октябрьдә «Энергетик» мәдәният сараенда Татарстан Республикасының атказанган сәнгать эшлеклесе, Чаллы шәһәренең мактаулы гражданины, шагыйрь Николай Алешковның юбилеена багышланган тантаналы кичә узды. Әлеге чара, авторның талантын сөюче күпсанлы тамашачыларны үзенә җыеп, шәһәрнең мәдәни тормышында әһәмиятле вакыйгага әйләнде. Шәһәр үзәк китапханәсе тарафыннан оештырылган, Николай Алешковның тормышы һәм иҗатына багышланган  китап күргәзмәсе аеруча игътибарга лаек булды. 

Анда шагыйрьнең сирәк басмалары, шигырь һәм поэмаларының кулъязмалары, шулай ук архив фотолары һәм шәхси әйберләре тәкъдим ителде. Экспозиция авторның иҗади дөньясына тирәнрәк үтеп керергә, аның сүз рәссамы буларак үсешен күрсәтергә мөмкинлек бирде. Чарага килүчеләр Алешконың беренче басмалары белән таныша, шигырьләренең уникаль караламаларын күрә һәм аның әсәрләренә иллюстрацияләрне карап соклана алды. Кичә төрле яшьтәге бик күп кунакларны җыйды. Күпләрне материалларның һәркем файдалана алырлык булуы һәм тәкъдим ителгән экспозицияләрнең югары сыйфатлы булуы гаҗәпләндерде. Кайбер кунаклар үткәннәр рухын тоя, яраткан шигъри юлларны искә төшерә һәм күп еллар элек кичергән хисләрне янәдән үзләре аша үткәрә алу мөмкинлеге өчен рәхмәт белдерде. Бу чара әдәби мирасны саклау һәм киләчәк буыннарга тапшыруның әһәмиятен ассызыклады. Оештыручылар белдерүенчә, мондый проектлар патриотик тәрбияне ныгытырга һәм сүзгә карата мәхәббәт тәрбияләргә ярдәм итә.