«Китапханәдә беренчеләр хәрәкәте» пилот проектында катнашучылар очрашуы (6+)

28 ноябрьдә «Китапханәдә беренчеләр хәрәкәте» пилот проектының актив катнашучылары шәһәр үзәк китапханәсенә килде һәм мавыктыргыч экскурсия кылды.
Татар әдәбияты һәм туган якны өйрәнү бүлегендә Идел буе халыкларының төрле телләрендә басылган китапларны карадылар. 
Әдәбият тарихы музеенда балаларга танылган җирле язучыларның тормыш юлы һәм иҗаты турында сөйләделәр. 
Абонементта укучылар зур кызыксыну белән XVIII һәм XIX гасырларда басылып чыккан китаплар, миниатюр китаплар тупланмасы белән танышты, ә сәнгать бүлегендә «Әниләр рәсем ясый!» күргәзмәсен карады.
«Беренчеләр хәрәкәте»нең Чаллыдагы җирле бүлегенең мәдәният һәм сәнгать юнәлеше буенча өлкән белгече Виктор Петров белән аралашу чараның иң онытылмас мизгеләреннән берсе булды. 

Виктор проектның максатлары, миссиясе һәм юнәлешләре турында сөйләде: «китап блогингы», «китап клубы» һәм «дирекция». Ул балачагындагы китапханә һәм  китап уку турында истәлекләре белән уртаклашты, ә балалар актив рәвештә сораулар бирде һәм үзләренең яраткан китаплары һәм авторларын әйтте.

Киләсе очрашу Балалар һәм яшүсмерләр бүлегендә – активистларның даими очрашу урынында үтәчәк.

#ДвижениеПервых #ДвижениеПервыхвбиблиотеке #ДвижениеРТ #книжныйклуб