Теләсә кайсы китап язучыдан башлана. Аның уй-хыяллары безне моңсуланырга, шатланырга, уйланырга, уйларга мәҗбүр итә. Язучының үзе, уй-хыялларын җанландыра белүче кеше белән танышырга мөмкинлек булу бик яхшы. Аеруча балалар өчен иҗади очрашулар кызыклы.
28 гыйнварда 14 нче санлы китапханәдә Россия һәм Татарстан язучылар берлекләре әгъзасы, Шәйхи Маннур һәм Егор Уткин исемендәге әдәби-туган якны өйрәнү премияләре лауреаты, профессиональ журналист һәм язучы – Мансур Габдулла улы Сафин белән очрашу узачак. Балалар өчен кызыклы шәхес һәм талантлы автор белән танышу һәм аралашу мөмкинлеге туачак. Иҗади очрашуда Мансур Сафин яшьләргә үзе, иҗаты, журналист һөнәре турында сөйләячәк. Чарада шагыйрьнең шигырьләре, аның сүзләренә язылган җырлар яңгыраячак.
|
