«Тормышны сөючеләр» Өлкәннәр көненә багышланган очрашу кичәсе (18+)

1 октябрь көнне 5 нче санлы китапханәдә Өлкәннәр көне уңаеннан «Тормышны сөючеләр» исемле очрашу кичәсе узды. Чара кунаклары өчен китапханә хезмәткәрләре «Нәсел агачы» дип аталган кызыклы викторина әзерләде. Һәр катнашучы сорауларга җавап биреп, призлар ала алды. Ә халык авыз иҗатын яхшы белүчеләр чәй һәм чәй эчү турындагы мәкальләр бәйгесендә катнашты. Оста хуҗабикәләр «Тәмле аш пешерү серләре» бәйгесендә белгәннәре белән башкаларны сокландырды.

Чара барышында шигырь сөючеләр өчен китапханәчеләр Лариса Рубальскаяның «Женщины в соку», «Сегодня осень в дверь мне позвонила», «Ты меня о возрасте не спрашивай», «Я не хочу быть старой бабкой» һәм классик шагыйрь Иван Бунинның «Листопад» шигырьләрен укыды. Кичә чәй эчү белән тәмамланды.