«Җәйге ялларда укыганны яшерми сөйлибез» танып-белү сәгате (6+)
«Җәйге ялларда укыганны яшерми сөйлибез» дип аталган танып-белү сәгате барышында клуб әгъзалары җәйге каникуллар чорында укыган китаплары турында кичерешләре белән уртаклашты. Үзләренә ошаган әсәрләрнең кыскача эчтәлеген, бу китаплардан нинди яңа мәгълүматлар алулары турында сөйләделәр. Үз чиратында, китапханәче балаларга Марк Твенның «Том Сойер маҗаралары» китабын тәкъдим итте, авторның тормыш юлыннан кызыклы фактлар белән таныштырды. Төп герой Томның шуклыклары һәм кыланышлары турында бергәләп әңгәмә кордылар, ә кыю, дуслык хисләре белән янучы әлеге персонаж балаларның күңеленә хуш килде. Катнашучылар аерым сүзләр һәм фразалардан ант җыеп, хәзинәне тапты, төрле биремнәр үтәгәндә исә, балалар Том Сойер һәм аның дуслары ролендә үзләрен сынап карый алды. |
