«Тылсымлы сәнгать дөньясы» танып-белү уен программасы (12+)

26 февраль көнне 23 нче санлы китапханәдә уртанчы сыйныф укучылары өчен, «Сәнгать. Иҗат. Матурлык» программасы кысаларында, «Тылсымлы сәнгать дөньясы» дигән танып-белү уен программасы узды.

Чара барышында балалар ребуслар чишүдә ярышты, «Матур буяулар» викторинасы сорауларына җавап бирде, С.Михалковның «Рәсем» шигыре астында үзләрен рәссам буларак сынап карады. Музыкаль  күнегү, «Барыбыз да биибез!», «Мин башлыйм, син дәвам ит» бәйгеләре танып белү уенын тагын да җанландырды һәм күңелле атмосфера тудырырга ярдәм итте.