Хәтер һәм дан елы һәм ТАССР төзелүнең 100 еллыгын ачу (0+)
10 февраль көнне шәһәр Үзәк китапханәсендә Хәтер һәм дан елы һәм ТАССР төзелүнең 100 еллыгына старт бирелде. Әлеге вакыйгаларга багышланган «Татарстан. Мәдәни хәзинәләр» PRO-төбәк» проекты кысаларында, «Якташларыбыз. Фашистлыкка каршы сәнгать» дигән хәтер көне узды.    Чарага килүчеләрне Бөек Ватан сугышында катнашкан рәссамнар, шагыйрьләр, музыкантлар иҗаты белән таныштырдылар. Сәнгатькә мәхәббәт ватандашларыбызга авыр сугыш шартларында көрәш рухын саклап калырга ярдәм итә. Чаллы Картиналар галереясы вәкилләре – директор урынбасары Әлфия Миннегали кызы Гарипова сугыш темасы белән бәйле сәнгать эшләрен тәкъдим итте, бүлек мөдире Марат Искәндәр улы Мингалиев линогравюра техникасында мастер-класс уздырды. Атна дәвамында күптөрле чаралар үткәрү планлаштырылган. Барыгызны да безгә кушылырга һәм яңа кичерешләр, яхшы кәеф алырга чакырабыз! |
