Менделеевскида төбәкара семинар узды (18+)

17 ноябрь көнне Үзәкләштерелгән китапханәләр системасы хезмәткәрләре директор В.М.Гайнуллина, директор урынбасары Р.Н.Каюмова, әйдәп баручы китапханәче А.Я.Янмурзина Менделеевск муниципаль районы Иске Гришкин авылының Керәшен мәдәнияте үзәгендә узган «Якташ шагыйрьләр әдәбияты аша керәшен мәдәниятен популярлаштыру» төбәкара семинарында катнашты. 

Семинарда Татарстанның Зәй, Алабуга, Мамадыш, Менделеевск, Минзәлә районнарыннан, Удумурт Республикасының Грахов районыннан, Казан һәм Түбән Камадан җитәкчеләр һәм белгечләр чыгыш ясады. Оештыручы – «Менделеевск муниципаль районының Үзәкләштерелгән китапханәләр системасы» МБМУ.
Семинар кысаларында Менделеевск шәһәренең С.Гассар исемендәге Мәдәният сараенда, шагыйрь Егор Уткинның тууына 90 ел булуын бәйрәм итү уңаеннан, «Тормышым чишмәләре» дигән яңа китап тәкъдир ителде. Чарада Менделеевск районы башлыгы, җирле коллективлар, башкаручылар һәм Чаллы язучылары катнашты. 

Е.Уткин иҗатын өйрәнүче, шагыйрь, тәрҗемәче, туган якны өйрәнүче Мансур Сафин Егор Уткин әдәби премиясен булдыру турында сөйләде һәм үзенең тәрҗемәләр китабын Менделеевск шәһәренең Үзәкләштерелгән китапханәләр системасына бүләк итте. 
«Тормышым чишмәләре» китабын тәрҗемә иткән автор, шагыйрә Вера Хәмидуллина Е.Уткинның шигырьләрен тәрҗемә итү үзенчәлекләре белән уртаклашты. 
Вакыйга барышында семинарның барлык катнашучылары Менделеевск шәһәренең Үзәк китапханәсе буйлап экскурсия кылды.