 2020 елның 3 декабрендә, Россиядә Билгесез солдат көнендә, «Бөек Ватан сугышы тарихы буенча тест» халыкара акциясе үткәреләчәк. Чара Дәүләт Думасы каршындагы Яшьләр парламенты һәм Россия Федерациясе субъектларының яшьләр парламенты тарафыннан тормышка ашырылучы «Олы тарих» проекты кысаларында узачак. Акция тарихи агарту һәм Бөек Ватан сугышы турында белемнәрне арттыруга игътибарны җәлеп итүгә юнәлдерелгән. Ел саен тарихи тестта дөньяның 52 иленнән 800 меңләп кеше катнаша. Быел «ҮКС» МБУ әлеге тестны онлайн режимда уздыру мәйданчыгы итеп сайланды.
Онлайн тестны проектның big-history.ru сайтында үтәргә мөмкин булачак, ул Мәскәү вакыты белән көн дәвамында ачык булачак. Һәр катнашучыга шәхси идентификацион номер бирелә. Тест сугыш хәрәкәтләренең мөһим вакыйгаларын, тылда һәм оккупациядәге тормышны, Европаны азат итү һ.б.ларны үз эченә алган 30 сораудан тора. Биремнәр Россия оборона министрлыгы Хәрби университетының профессор-педагогик составы тарафыннан әзерләнгән.
Акциягә 2020 елның 3 декабрендә сайтта кушылырга мөмкин.
Акциянең нигезләмәсе
Акция турында тулырак «Олы тарих» проекты сайтында https://big-history.ru/ таныша аласыз.
|
