«Туган ягыңны бел һәм ярат» интерактив уен (12+)

Россия Федерациясе Президентының мәдәният һәм сәнгать өлкәсендә гомуммилли әһәмияткә ия иҗади проектларга ярдәм итүгә юнәлдерелгән грантын тормышка ашыру кысаларында әдәбият тарихы музее хезмәткәрләре балалар өчен «Туган ягыңны бел һәм ярат» дигән интерактив уен уздырды. 
Чара балаларга Чаллының истәлекле әдәби һәм тарихи урыннарына виртуаль экскурсия кылырга мөмкинлек биргән күпэтаплы квест-сәяхәт форматында оештырылды. Программа һәрберсе шәһәр йөзенең яңа чикләрен ачучы тематик блоклардан төзелгән иде. Катнашучылар шәһәр үсешенең төп чорлары – нигез салынган вакыттан алып хәзерге көнгә кадәр битләрен «ачты».
Грант акчасына алынган яда мәгълүмат терминалы ярдәмендә балалар шәһәрнең ландшафты ничек үзгәрүен, торак пунктның язмышына нинди вакыйгалар йогынты ясавын күрде. Китапханәчеләр борылыш вакытларына – сугышлар, сәнәгатьтә үзгәртеп корулар, мәдәни күтәрелешләргә игътибар юнәлтте. Мәктәп укучылары борынгы гыйбадәтханәләр, модерн стилендәге биналар, совет монументлары фотоларын карады, һәм шулай ук һәр объектның тарихи контекстларын: төзүчеләре, алар белән бәйле легендалар  һәм аларның шәһәр символына әйләнү сәбәпләре турында белде. 

Шәһәрнең төп истәлекле әдәби урыннарына аерым игътибар бирелде. Алар арасында – Владимир Высоцкийга багышланган монумент, үз әкиятләре персонажлары әйләнәсендә сурәтләнгән татар шагыйре Габдулла Тукайга һәйкәл, герой һәм талантлы татар шагыйре Муса Җәлил исемендәге мемориаль комплекс.
Шуның өстенә, Чаллының әдәби мирасын өйрәнүгә зур басым ясалды. Мультимедиалы презентация ярдәмендә яшүсмерләр җирле язучылар Николай Алешков һәм Факил Сафин иҗатын өйрәнде, аларның тормыш юлы һәм иҗаты белән бәйле урыннар турында белде, шулай ук шәһәрнең әдәби берләшмәләре эшчәнлеге белән танышты. Архив материаллары һәм фотолары шәһәрнең ничек үзгәрүен һәм нинди вакыйгалар булганлыгын күзәтергә мөмкинлек бирде.  
Алган белемнәрен ныгыту өчен терминал ярдәмендә интерактив викторина үткәрелде. Сораулар шәһәргә нигез салыну даталары, танылган якташлар исемнәре, төп урамнар һәм мәйданнар тарихлары, һәм шулай ук истәлекле урыннар турында аз билгеле булган фактларны колачлады. 
Китапханәчеләр җавапларны теркәп кенә бармады, ә, сораштыруны диалогка әйләндереп, аларны кызыклы мәгълүматлар белән тулыландырды.