« Әдәби Чаллы» китап күргәзмәсе-күзәтү (12+)

А.ГВ ыйләҗеп исемендәге татар драма театрында Чаллы язучылар берлеге оешуга 45 ел тулуны бәйрәм итү кысаларында тантаналы чара узды. Шәһәр үзәк китапханәсенең Татар әдәбияты һәм туган якны өйрәнү бүлеге хезмәткәрләре оештырган « Әдәби Чаллы» китап күргәзмәсе-күзәтү төп вакыйгаларның берсе булды. 

Күргәзмәдә Чаллы язучылары һәм шагыйрьләре китаплары, әдәби юнәлештәге вакытлы матбугат басмалары, Язучылар берлеге белән бәйле архив материаллары тәкъдим ителде. Чара шәһәрнең әдәби мирасын күрсәтү, катнашучыларны җирле авторларның иҗаты белән таныштыру, Чаллы әдәби мохитенең күптеллелеген һәм  күптөрле мәдәниятлелеген чагылдыру, Язучылар берлегенең шәһәр мәдәниятен үстерүгә керткән өлешен билгеләп үтү өчен оештырылган. Шулай ук, язучы Данис Хәйруллинның 80 яшьлек юбилее хөрмәтенә «Эзләремә җыр салам…» дигән аерым китап күргәзмәсе әзерләнгән иде. Аның максаты – күренекле әдәбият эшлеклесенең тормыш һәм иҗат юлын яктырту, аның төп әсәрләрен, һәм шулай ук республиканың әдәби тормышы үсешендә аның ролен күрсәтүгә багышланган материалларны тәкъдим итү булды.