 1нче санлы Мәгълүмати-китапханәдә, уртанчы сыйныф укучылары өчен, Татарстанда Туган телләр һәм халыклар бердәмлеге елына багышланган «Иң яхшылары – халык уеннары» дигән фольклор сәгате үтте.
Берничә гасырлар дәвамында халык уеннары көнкүреш тормышның бер өлеше һәм бәйрәмнәрнең төп күңел ачу чарасы була. Укучылар борынгы бабаларыбызның «Алтын капкалар», «Бирюльки», «Малечина-калечина» кебек уеннары һәм иң яраткан халык күңел ачуларының берсе «Бабки» уены белән танышты.
 Әлеге уенны Петр I, Суворов, Пушкин уйнарга яраткан. Совет язучысы, себерле В.П. Астафьев үзенең «Последний поклон» романында бу уенны уйнауга аерым бер бүлекне багышлый, анда ул сыннарның ничек ясалуы, саклануы һәм уен тәртибе турында җентекләп тасвирлап бирә.
Һәрчак диярлек халык уеннары төрле текстлар: рифмалы юллар, санамышлар, чакырулар, җырлар белән үрелеп бара, бу аларга үзенчәлеклелек бирә.
Фольклор сәгатьнең азагында зур мавыгу белән төрле элекке уеннарны уйнадылар. Балалар бик теләп үзләренең борынгы бабалары һәм әбиләренең балачак иленә барып кайтты, алар борынгы уеннарның күптөрлелегенә шаккатты, әлеге күңел ачуларның җылысын һәм куанычын тойды.
|
