«Тормышның төсле симфониясе» фестивале (6+)

14 нче санлы балалар китапханәсендә «Ком тамашасы» иҗади проекты тормышка ашырыла. Бу 10-14 яшьлек яшь укучыларга балалар әдәбияты дөньясына яңача карарга мөмкинлек бирүче уникаль арт-терапия студиясе. Проект кысаларында сәламәтлек мөмкинлекләре чикләнгән балаларга аерым игътибар бирелә, алар өчен махсус дәресләр оештырылган. 
20 ноябрьдә проект кысаларында «Тормышның төсле симфониясе» фестивале үтте. Фестиваль кунаклары «Ком тамашасы» арт-терапия студиясе» проекты кысаларында үткәрелгән «Мин китапны ясыйм» бәйгесенең иң яхшы эшләре белән танышты. Барлык рәсемнәр дә комда ясалды, балалар яраткан әсәр геройларын иллюстрацияләп кенә калмады, ә фантазияләрен һәм иҗади сәләтләрен эшкә җигеп, китапларның тышлыкларын да уйлап тапты. 

Укучылар талантлы рәссам, ТР рәссамнар берлегенең шәрәфле әгъзасы Анна Владимировна Аксакова җитәкчелегендә ком белән эшләүнең төп техникаларын һәм рәсем ясауның төрле ысулларын үзләштерде. 
Проект кысаларында бу әсәрләр буенча бик яхшы видеороликлар-мультпрезентацияләр ясарга ярдәм иткән күптөрле  бик күп чаралар узды. Алар барысы да фестиваль кунакларына тәкъдим ителде. 
Фестивальдә проектта катнашучылар, М. Метерлинкның «Синяя птица» китабына иллюстрацияләр ясап, ком белән эшли белүләрен бик уңышлы күрсәтте. 
«Радужная мандала» исеме астында комда рәсем ясау буенча уртак эш очрашуның кульминация өлеше булды. Балаларның һәрберсе онытылмас кичерешләр белән бергә дипломнар һәм бүләкләр дә алды.