Библиотөн – 2021 сине көтә! (0+)

24 апрель көнне Чаллы шәһәренең Үзәк китапханәсе барлык шәһәрдәшләребезне һәм кунакларны  «Библиотөн-2021» акциясендә катнашырга чакыра. 
«Библиотөн-2021» «Китап – йолдызларга юл» шигаре астында узачак һәм космоска беренче кеше, Юрий Гагаринның очышына 60 ел булуга багышлана һәм Фән һәм технологияләр елы уңаеннан үткәрелә. 
Китапханәгә килүчеләрне бай эчтәлекле программа көтә. Нәни укучылар өчен мавыктыргыч тәҗрибәләр белән «Профессор Чудаков лабораториясе» исемле эксперимент-шоу әзерләнә. Яшүсмерләр өчен «Киләчәккә омтылучылар» дигән робототехника дөньясына сәяхәт үткәреләчәк һәм «Йолдызлар сугышы» геройлары белән берлектә «Борын-борын заманда ерак Галәмдә» исеме астында Пижама кичәсе узачак.  
«Космик сәнгать» төркемле иҗади Арт-тимбилдинг вакытында Галәмнең зур картасы эшләнәчәк. «Космоска очыш» мастер-классында чара кунаклары Галәм киңлекләрендә хәрәкәт итүче космик кораб төзиячәк. «Сынаулар аша йолдызларга» әдәби-музыкаль кичәсе космонавтика, Байконур тарихын искә төшерергә, күп кенә кызыклы фактларны белергә һәм шәһәребезнең танылган артистлары башкарган җырларны тыңларга чакыра. 
Китапханә кунаклары яхшы кәеф һәм уңай тәэсирләр алачак.  

Чаллыда узачак «Библиотөн-2021» чарасына килми калмагыз!
Керү ирекле.

Илдәге һәм республикадагы эпидемиологик хәл белән бәйле рәвештә администрация шәхси саклану чараларын куллануыгызны сорый. 

Поделиться: