«Рус теленең Сүзлек атлы патшасы» китапханә дәресе (6+)

21 ноябрьдә 10 нчы санлы китапханә мәктәп укучыларын Россиядә ел саен 22 ноябрьдә билгеләп үтелүче Сүзлекләр һәм энциклопедияләр көнен бәйрәм итүгә багышланган чарага чакырды. 

Чара белешмә әдәбият – энциклопедияләр, сүзлекләр, белешмәлекләр белән танышуга, аларны куллану күнекмәләренә өйрәтүгә багышланды. Китапханәче балаларны китапханәнең белешмә әдәбият фонды белән таныштырды, сүзлекләрнең белешмәлекләрдән нәрсә белән аерылуы, һәм аларны ничек дөрес кулланырга икәнлеге турында сөйләде. 
Чарада катнашучылар, «Сүзне тап», «Чит телләр сүзлегенә күз сал», «Нәрсә бу? Кем бу?», «Фразеологик әйтелмәләр» бәйгеләрендә катнашып, алган белемнәрен ныгыта алды.