Көлкеле һәм гаҗәеп маҗаралар авторы (6+)

13 нче санлы китапханәдә узган әдәби дилижанс яшь китап сөючеләрне балалар язучысы Виталий Коржиков китабы битләре буйлап күңелле диңгез сәяхәтенә алып кереп китте.

Катнашучылар В.Коржиковның Ерак Көнчыгышка укытучы буларак эшкә килеп, диңгезчегә әйләнүе  турында белде. Язучы төрле корабларда бөтен җирне әйләнеп чыга һәм күп кызыклы нәрсәләр күрә. Барлык күргәннәрен китап битләренә сала башлый һәм чарабызда катнашучы балалар әлеге китаплар һәм аларның геройлары белән танышты. Язучының тормыш юлы, аның шигырьләре һәм чәчмә әсәрләре – болар барысы да яшь укучылар өчен бик кызыклы булды. 
Аларга аеруча журналның музыкаль бите ошады. Балалар В. Коржиков шигыренә язылган «Медуза» (Б. Леви көе) җырына видеоклипны карап кына калмады, ә бик теләп башкаручыга кушылып җырлады да. «Тылсымлы сандык» бите укучыларны «Диңгез сандыгына ни яшерелгән?» уенында катнашырга һәм автор сурәтләгән диңгез хайваннары турында табышмакларны чишәргә чакырды.  
Шулай ук балалар В. Коржиков шигырьләрен укыды, «Волны словно кенгуру» китабы буенча викторина сорауларына җавап бирде.