Дания язучысы-әкиятче Ханс Кристиан Андерсенның тууына 220 ел (0+)

2 апрель – Дания язучысы-әкиятче Ханс Кристиан Андерсенның тууына 220 ел (1805-1875).
Ханс Кристиан А́ндерсен (рус телендә шулай ук Ганс Христиан А́ндерсен дип язылу да таралган) — Дания язучысы, балалар һәм өлкәннәр өчен «Гадкий утёнок», «Новое платье короля», «Дюймовочка», «Стойкий оловянный солдатик», «Принцесса на горошине», «Оле Лукойе», «Снежная королева», «Русалочка» һ.б. бик күп бөтендөньяга танылган әкиятләр авторы.
Андерсен 3342 әсәр яза, алар яхшылыкка һәм тормышта чыдам булырга өйрәтә. 
Андерсен автор буларак 1829 елда «Пешего путешествия от канала Холмен к восточной оконечности Амагера» дигән маҗаралы әсәрен язганнан соң танылу ала. Дан казану Ганс Христианны яңа әсәрләр иҗат итүгә этәрә, алар арасында әкиятләр аерым урын алып тора. Андерсен романнар, новеллалар, шулай ук водевильләр дә яза. Дөрес, бу жанрлар авторга җиңел генә бирелми: аларны иҗат иткәндә Андерсен иҗади кризиска талган кебек була. 
Илһам табу автор өчен проблема булмый. Андерсен аны үзен әйләндереп алган дөньядан ала. Ул һәр адымда матурлыкны күрә белә. Язучының фантазиясе халык эпосыннан сюжкетлар белән баетыла. 1837 елда «Сказки, рассказанные детям» җыентыгына кертелгән «Свинопас», «Огниво», «Дикие лебеди» һ.б. әкиятләре шул рәвешле дөнья күрә. 

Андерсенның гомеренең соңгы еллары тулысынча диярлек Мельхиор гаиләсе утарында уза. Бервакыт өлкән яшьтәге язучы караваттан егылып төшә һәм күпсанлы имгәнүләр ала. Бу яралар аның сәламәтлегенең гомуми халәменә тәэсир ясый. Мондый халәттә Ганс Христиан өч ел яши. Гомеренең азагында табиблар анда бавыр рагы таба. 1875 елның 4 августында Андерсен вафат була, аны Копенгагенда, Ассистенс зиратында җирлиләр.

Бу кызыклы
Язучының әсәрләре дөньяның 135 теленә тәрҗемә ителгән.
Андерсен сәяхәт итәргә бик ярата, һәм үз тормышы эчендә 30лап илдә була.
Язучы беркайчан да өйләнми һәм балалары булмый. 
Ханс Кристиан Андерсенга Александр Сергеевич Пушкин иҗаты ошый. Аның хәтта шагыйрьнең имзасы белән китабы да була.
Гомере эчендә язучы грамматиканы һәм хатасыз язарга өйрәнә алмый, шунлыктан  корректорлар һәм редакторлар ярдәменә мөрәҗәгать итә.
Андерсенның күп әсәрләре мотивлары буенча кинофильмнар һәм мультфильмнар төшерелгән, «Гадкий утёнок» әкияте буенча хәтта опера язылган.
Язучының туган көнендә — 2 апрельдә — Халыкара балалар китабы көне бәйрәм ителә. 
Вафатына аз вакыт калганда Андерсен композитор белән үзен җирләү өчен музыка буенча киңәшләшә: «Миннән соң барачак кешеләрнең күбесе балалар булачак, шуңа күрә ритмны кечкенә адымнарга тактта хәрәкәт иттерегез».