Рус совет язучысы, драматург, киносценарияче Евгений Львович Шварцның тууына 130 ел (6+)

21 октябрьдә рус совет язучысы, драматург, киносценарияче, «Обыкновенное чудо», «Сказка о потерянном времени», «Новые приключения Кота в Сапогах» әкиятләре авторы Евгений Львович Шварцның (1896–1958) тууына 130 ел тула.
Евгений Львович Шварц – әсәрләре балалар һәм өлкәннәр әдәбияты классикасына әйләнгән күренекле совет язучысы, драматург, сценарияче һәм танылган драма әкияте остасы. 
1896 елның 21 октябрендә Казанда табиб һәм акушер интеллигенция гаиләсендә туа, соңрак гаиләсе Майкопка күченә. Язучы аны үзенең рухи туган ягы дип саный. 1914 елда Мәскәүдә юридик факультетка укырга керә, әмма бу өлкәнең үзенеке түгеллеген тиз аңлый. 
1920 нче елларда балалар әдәбиятында эшли, Корней Чуковскийда сәркатиб була, Самуил Маршак белән хезмәттәшлек итә, «Ёж» һәм «Чиж» журналлары өчен яза.
Акрынлап җитди нәрсәләр турында сөйләшү өчен әкият формасын кулланып, пьесаларга күбрәк мөрәҗәгать итә башлый. Танылган әсәрләре арасында – «Тень», «Дракон», «Обыкновенное чудо», «Сказка о потерянном времени», «Новые приключения кота в сапогах».
«Золушка» сценариясе (1947) совет киносы классикасына әйләнә.
Гражданнар сугышында катнашу, Ленинград блокадасы, эвакуация – болар барысы да Шварцка язуын дәвам итәргә комачауламый.
Евгений Шварц 1958 елның 15 гыйнварында Ленинградта вафат.