Үз хокукларыңны бел, вазифаларың турында онытма (12+)

Бөтендөнья балалар көне якынлашканда 24 нче санлы китапханәдә «Үз хокукларыңны бел, вазифаларың турында онытма» дигән хокукый турнир үтте.

Балалар уен формасында үз хокукларын яклаучы төп документ – Балалар хокукы турында Халыкара Конвенция белән танышты. Турнир 4 этапта узды:
– «Хокуклар һәм вазифалар» (хокукый тест);
– «Мин хокуклы!» (әкият геройларының хокуклары бозылу турында викторина);
– «Детектив» (балалар китапларындагы әдәби геройларның гамәлләрен анализлады);
– «Мәкальне җый»

Чарада катнашучылар бик теләп төп балалар хокуклары турында социаль видеоязмалар һәм «Бала хокуклары» китапнамәсен карады.