«Чәчәкләре белән елмая Җир» күргәзмәсе (12+)

«Яшәр өчен, кояш, ирек һәм кечкенә бер чәчәк кирәк», – ди бөек әкиятче Һ.Х.Андерсен. Бар соклануларны без чәчәкләр белән чагыштырырга гадәтләнгән һәм бу гаҗәп тә түгел – һәр чәчәк табигатьнең бер кечкенә генә могҗизасы. 

Үзәк китапханәнең комплекслы хезмәт күрсәтү бүлеге күргәзмә-экспозиция әзерләде, ул китапханәгә килүчеләрне 1 июльгә кадәр куандырып торачак. 
«Чәчәкләре белән елмая Җир» күргәзмәсендә тупланган китаплар сезнең бакчагызда күркәм чәчәк түтәлләре һәм клумбалары ясауда ярдәмче булыр. Без күп кенә чәчәк үстерүчеләр әлеге күргәзмәдә үзләренә файдалы китаплар табар дип ышанып калабыз.