Владимир Аринин исемендәге «Кызгылт-сары йолдыз» Бөтенроссия әдәби балалар һәм яшүсмерләр бәйгесе (6+)

Вологда өлкә балалар китапханәсе Владимир Аринин исемендәге «Кызгылт-сары йолдыз» Бөтенроссия әдәби балалар һәм яшүсмерләр бәйгесендә катнашырга чакыра. Бәйге Вологдада гомер иткән Россия язучысы, журналист һәм туган якны өйрәнүче Владимир Аринин истәлегенә багышланган һәм балалар, яшүсмерләр әдәби иҗатын үстерүгә юнәлтелгән. 
Бәйгенең максаты – 7-17 яшьтәге авторларның иң яхшы проза, шигърият һәм публицистика әсәрләрен ачыклау һәм сайлап алу.  
Бәйге түбәндәге номинацияләрдә уздырыла: «Проза», «Шигърият», «Публицистик әдәбият». «Проза» һәм «Шигърият» номинацияләрендә катнашучылар 3 яшь төркеменә бүленә: 7-11 яшьлекләр, 12-14 яшьлекләр һәм 15-17 яшьлекләр. «Публицистик әдәбият» номинациясендә  – 2 яшь төркеме: 10-14 яшь һәм 15-17 яшьлекләр.

Гаризаларны кабул итү 2021 елның 1 сентябре – Белем көнендә башлана. Гаризалар 2021 елның 3 декабренә кадәр кабул ителәчәк.
Бәйге турында тулырак сылтама буенча укыгыз. 

Бәйгенең нигезләмәсе