Китапханәдә «Россия символлары» Бөтенроссия олимпиадасы (6+)
18
Ноябрь 2021
Пәнҗешәмбе
18 ноябрь көнне Үзәк балалар китапханәсе 10-12 яшьлек балалар өчен «Россия символлары» Бөтенроссия проекты кысаларында олимпиада уздырды. Олимпиаданы оештыручы – РФ Мәдәният министрлыгы ярдәме белән Россия дәүләт балалар китапханәсе. Үткән елларда олимпиадаларның темаларын белгәч, балалар, бераз уйлашканнан соң, быелгы теманы әйтте. Агымдагы елның проект темасы «Космик казанышлар», чөнки быел кешенең космоска беренче очышына 60 ел булу билгеләп үтелде. Балалар олимпиаданың алтынчы тапкыр үткәрелүе, һәм сорауларны аларның яшьтәшләре уйлап табуы турында белде. Кәгазьдәге сорауларга җавап бирү кагыйдәләрен тыңлап, балалар зур мавыгу белән аны тутырырга кереште.
|