«Күңелле хикәяләр яшәргә булыша» В.Сутеев иҗаты буенча викторина (6+)

25 февральдә 5 нче санлы китапханәдә яшь укучылар өчен «Күңелле хикәяләр яшәргә булыша» дигән исем астында Владимир Григорьевич Сутеев иҗаты буенча викторина узды. Чара язучының тормыш юлы һәм иҗаты белән танышудан башланды. Китапханәче балаларга Владимир Сутеевның никадәр талантлы рәссам һәм язучы булуы турында сөйләде. Алга таба укучылар «Сүзне дәвам ит» уенында катнашты. Алар бик теләп хор белән икенче сүзне әйтеп бетереп, әкиятләрнең дәвамын белде. «Әкиятләр» биремендә гадәти булмаган якын килү кулланылды: әсәр һәм аның геройларын таныр өчен, катнашучыларга табышмаклар чишәргә кирәк булды. 

Балалар энтузиазм белән биремнәрне җиңеп чыкты, ә бүләк буларак Сутеев әкияте буенча «Под грибом» мультфильмын карады. Аны караганнан соң, мультфильм турында фикер алышу узды. Яшь укучылар куян баласын ни өчен коткара алуларын аңлатты: алар дуслык, ярдәмчеллек һәм яхшылык тормышта ярдәм итә дигән нәтиҗәгә килде. Шуннан соң балалар «Назлы итеп әйт» уенын уйнады, аның барышында әкият геройларына назлы исемнәр сайлады. Очрашу Сутеев әкиятләре буенча викторина белән тәмамланды. Укучылар презентациядә бирелгән сорауларга бик теләп җавап бирде.