«Шәҗәрә – тәрбиянең асыл ташы»: шәҗәрә кичәсе (6+)

29 октябрьдә 12 нче татар китапханәсендә урта мәктәп яшендәге балалар өчен шәҗәрә кичәсе үтте. Шәҗәрә агачы – ул кешегә тууга бирелә торган төп мирасларның берсе.  

Чарада китапханәче укучыларны «шәҗәрә», «генеалогия» төшенчәләре белән таныштырды, борынгы бабалар тарихын өйрәнү, гаилә агачын төзү күп вакыт, тырышлыклар, түземлек һәм белемнәр таләп итүе турында сөйләде. 
Чарага махсус кунак – журналист Дамир Шәйхетдинов чакырылды, ул шәҗәрәләр төзү һәм өйрәнү белән профессиональ рәвештә шөгыльләнә. Ул укучыларга үз эшенең серләрен аңлатты, үзе төзегән шәҗәрәләрне күрсәтте, балаларга да үз нәсел агачларын ясарга тәкъдим итте.