«Холокост: тарих, хәтер, язмышлар» хәтер кичәсе (16+)

27 гыйнварда 5 нче санлы китапханәдә яшьләр өчен «Холокост: тарих, хәтер, язмышлар» дигән хәтер кичәсе узды. Алып баручылар нацистларның җинаятьләре һәм  планлаштырылган эзәрлекләве, яһүдләр, чегәннәр, поляклар, сугыш әсирләрен массакүләм кыруы, 1938 елдан 1945 елның гыйнварына кадәр вакыт аралыгында гетто һәм концлагерь исеме алган изоляцияләнгән кварталлар булдыруы турында сөйләде. Яһүд халкының афәте һәм замананың алдан планлаштырылган һәм абсолют явызлык символы булган концлагерь диварлары артындагы ерткычлыклар турында сөйләгәннәр балаларның берсен дә битараф калдырмады.   

Кичәдә катнашучыларга фотосурәтләр альбомы – Холокост вакытында кешеләрне массакүләм юкка чыгару процессының бердәнбер күрсәтмә шаһиты турында сөйләүче видео тәкъдим ителде. Алып баручы китапханә фондындагы Нацистлар Германиясе идеологлары өстеннән халыкара Нюрнберг суд эшенә багышланган китапларны тәкъдим итте. Яшь буын вәкилләре «Яд ва-Шем» Холокост корбаннары хәтеренә мемориаль комплексы буйлап виртуаль экскурсия кылды, Януш Корчак мәйданы,  депортацияләнгәннәргә мемориал һәм исемнәр залы турында белде.