«Җәлилне укыйбыз» кичә-портрет (12+)

Шәһәр үзәк китапханәсенең татар әдәбияты һәм туган якны өйрәнү бүлегендә, бөек татар шагыйре Муса Җәлилнең тууына 118 ел тулу уңаеннан, «Җәлилне укыйбыз» дигән кичз-портрет үтте. Чара барышында китапханәче мәктәп укучыларын патриот шагыйрь, Советлар Союзы Герое Җәлилов Муса Мостафа улының (Муса Җәлил) тормыш юлы һәм иҗаты белән таныштырды.
Шагыйрьнең шигърияте генә түгел, ә бар тормышы һәм фаҗигале язмышы ныклык үрнәге булып тора. Аның тормыш һәм иҗат батырлыгы – үсеп килүче буын өчен үрнәк. «Моабит дәфтәрләре» – ул кеше рухының көчлелеге белән күңелне яулаучы үлмәс китап. Муса Җәлил исеме буыннар хәтерендә мәңгегә калачак. 

Укучылар игътибарына Муса Җәлил иҗаты турында сөйләүче «Муса Җәлил – шагыйрь һәм патриот» дигән китап күргәзмәсе әзерләнде. Чараның икенче өлешендә балалар авторның татар телендә иҗат ителгән шигырьләрен укыды.