«Ант һәм Ватанга тугрылык» хәтер кичәсе (+6)

Ел саен шигърият сөючеләр каһарман-шагыйрь һәйкәле янында җыела. Быел 25 августта 11.00 сәгатьтә М.Җәлил исемендәге скверда Советлар Союзы герое, Ленин премиясе лауреаты Муса Җәлил һәм аның көрәштәшләренең һәлак булган көненә багышланган  «Ант һәм ватанга тугрылык» дигән хәтер кичәсе узды.  Чарада шәһәрнең урта гомумбелем бирү мәктәпләре укучылары, шагыйрьләр, уку йортлары укытучылары,  китапханә хезмәткәрләре, ветераннар, Комсомол районы башкарма комитеты белгечләре катнашты.

Хәтер кичәсе Комсомол районы башкарма комитеты урынбасары Эльвира Гафур кызы Вәлиеваның сәламләү сүзләре белән ачылды, ул шагыйрь һәм аның сугышчан иптәшләренең дошманны уртак җиңү эшенә керткән бик зур өлешен билгеләп үтте. Чаллы язучылар оешмасы рәисе, Г.Тукай исемендәге премия лауреаты Факил Сафин үзенең чыгышында Җәлил һәм җәлилчеләрнең барлык халыклар тормышында зур роль уйнавын билгеләп үтте. Шагыйрьләр (Зөләйха Минһаҗева, Рәзинә Мөхияр, Рәкит Аллабирде, Әлфия Ситдыйкова, Айрат Шәйхетдинов, Марс Яһудин, Амур Фәләх, Зимфира Исламова) һәм «Ләйсән» шәһәр әдәби берләшмәсе әгъзалары (Рәзилә Шәнгәрәева, Илгизәр Әхмәтханов, Шәҗәрә Нургатина, Рушания Гыйләҗева) М.Җәлил шигырьләрен һәм үзләренең патриотик әсәрләрен. «Җырлы төбәгем Татарстан» төбәк бәйгесе җиңүчеләре, 2, 4, 54 нче урта белем бирү мәктәпләре укучылары Әхмәтшина Мәдинә, Хәмидуллина Ралина, Әмирә Гатауллина, Ясминә Нуруллина, Гайсина Айназа, Шәвәлиева Давила, Кәлимуллина Регина башкаруында татар, рус һәм кытай телләрендә М.Җәлил шигырьләре яңгырады. Чара бер минутлык тынлык һәм Җәлил һәйкәленә чәчәкләр салу белән тәмамланды.