«Ветеран» аралашу клубында бәйрәм концерты узды (12+)
1
Март 2019
Җомга
1 март көнне шәһәр Үзәк китапханәсенең «Ветеран» аралашу клубында Халыкара хатын-кызлар көненә багышланган «Сөекле ханымнарга» («Для милых дам») исемле бәйрәм концерты узды. Тамашачы алдында яшь артистлар, аерым башкаручылар, 1 нче Балалар музыка мәктәбе, 16 нчы санлы «Огниво» балалар иҗаты үзәге, Яр Чаллы сәнгать көллияте, «Сарасвати» һинд биюләре студиясе җыр һәм бию төркемнәре чыгыш ясады. Шулай ук кичәнең кунаклары Әлмәт шәһәреннән килгән «Ломо» оптика-механика заводы вәкилләре белән очрашу вакытында күз күремен һәм күзлекләрнең сыйфатын тикшереп карый алды. Кичә традиция буенча биюләр һәм чәй эчү белән тәмамланды.
|