Каникуллар чорында балалар могҗизалар илендә булды (6+)

Язгы каникуллар мәктәп укучылары өчен шәһәр Үзәк китапханәсендә файдалы һәм күңелле узды.  Алар «Могҗизалар илендә» квест-уенында катнашты.
Квест вакытында балалар китапханәнең төрле бүлекләре белән танышты, әкиятләр һәм алардагы могҗизалар турында сорауларга җавап бирде, әдәби башваткычлар чиште һәм үз җаена гына йөреп торучы песи белән бергә бик күп мавыктыргыч һәм әкияти биремнәрне үтәде.