«Һәркемнең үз туган теле бар» иртәнге чара (0+)

17 нче санлы китапханә хезмәткәрләре бөек татар шагыйре Габдулла Тукайның тууына 140 ел тулуга багышланган тантаналы чара үткәрде. Бәйрәм балалар өчен милли әдәбият классигының тормышы һәм бай иҗади мирасы белән онытылмас танышу булды. 
Очрашу барышында яшь китап сөючеләр ихлас кызыксынып Шүрәле белән бергә күңелле халык бәйгеләрендә катнашты һәм яраткан Тукай әкиятләре сюжетларына нигезләнгән табышмакларны чиште. Бу интерактив биремнәр балаларга шатлык бүләк итте, таныш геройлары һәм аларның гаҗәеп маҗаралары турында белемнәрен ныгытырга ярдәм итте.  

Габдулла Тукай шигыренә язылган «Туган тел!» җырын бергәләп башкару бәйрәмнең иң дулкынландыргыч һәм онытылмас мизгелләре булды, балалар шулай итеп туган телгән үләренең ихлас мәхәббәтен һәм хөрмәтен белдерде. 
Бүләкләү тантанасы чараның кульминациясе булды. Китапханәче «Габдулла Тукай әкиятләре һәм шигырьләре дөньясы» шәһәркүләм нәфис сүз осталары бәйгесе җиңүчеләренә дипломнар тапшырды, аларның талантын һәм әдәбиятка мәхәббәтен билгеләп үтте. 
Бәйрәм җылы, шатлыклы һәм дустанә рухта узды. Ул балаларны бөек шагыйрь иҗаты белән таныштырып кына калмады, ә аларның татар мәдәнияте белән кызыксынуын ныгытты, туган телгә һәм милли гореф-гадәтләргә сакчыл мөнәсәбәт тәрбияләде.