«Мәктәп тарихлары битләре буйлап»: телдән журнал (12+)

29 март көнне Укытучы һәм остаз елы кысаларында 5 нче санлы китапханәдә «Мәктәп тарихлары битләре буйлап» дигән телдән журнал үткәрелде.

Һәр ачылган бит яшь китап сөючеләргә 988 елдан башлап бүгенге көнгә кадәр мәктәптә белем бирү системасы турында сөйләде. Балалар Русиядә беренче мәктәпләр, Петр I вакытында ничек һәм нәрсәгә өйрәтүләре, кем укытуы һәм нинди фәннәр буенча белем бирүе, XIX гасыр мәктәп системасы, затлы нәселдән булган кызлар өчен Смольный институты һәм Александр Сергеевич Пушкин укыган Царскосельское лицее турында белде. Үсеп килүче буында шулай ук «СССРның совет мәктәбе» видеоязмасы зур кызыксыну уятты, анда XX гасыр балаларының ничек итеп октябрятлар һәм пионерлар булуы турында сөйләнде. Журналның соңгы бите танылган укытучы-новаторларга багышланды. Дөньяда укытучылар тырышлыгы белән бик күп акыллы, талантлы кешеләр үсә. Шуларның берсе – Ясная Полянада крестьян балалары өчен мәктәп ачкан бөек рус әдәбияты классигы Лев Николаевич Толстой. Чара азагында балалар кешенең шәхес буларак үсешендә мөһим роль башкаручы укытучы һөнәренең әһәмияте турында фикер алышты.