«Аркадий Гайдар: тормыш үзе батырлык булганда!» телдән журналы (6+)

Нәкъ 120 ел элек – 1904 елның 22 гыйнварында Аркадий Гайдар туа! Ул совет балаларының иң яраткан һәм күп укый торган язучыларының берсе, балалар әдәбиятының танылган классигы. Аның «Тимур и его команда», «Чук и Гек», «Голубая чашка» китаплары бүгенге көндә дә актуальлеген югалтмый.
13 нче санлы китапханә хезмәткәрләре язучының туган көнен уртанчы сыйныф укучылары белән бергә билгеләп үтте, «Аркадий Гайдар: тормыш үзе батырлык булганда!» дигән телдән журнал тыңлады.
«Гадәти булмаган заманда гадәти биография» битендә балалар кыска гомерле, әмма танылу алырга өлгергән сугышчы-язучының тормыш юлыннан кызыклы фактларны белде. Укучыларны Гайдарның иң яхшы дусларыннан берсе булган Борис Емельяновның хикәяләре, аеруча «Случай» исеме астында язылган трамвайда булган вакыйга турындагысы кызыксындырды.

«Легендар язмышлы язучы» битендә балалар А.П Гайдарның иҗади эшчәнлеге белән танышты. Аның китап геройлары яхшылыкка, мәрхәмәтлелеккә, бер-береңә ярдәм итәргә, үз Ватаныңны яратырга өйрәтә. Укучылар «Гайдар» тәхәллүсенең ничек барлыкка килүе турында белде һәм «Тимур и его команда» китабының язылу тарихы турында тыңлады.
Чара «Гайдар сукмагы» дигән презентация белән үрелеп барды.