«Онытылырга хакы булмаган сугыш фаҗигасе» батырлык сәгате (12+)

25, 26, 27 февральләрдә 5 нче санлы китапханәдә Пушкин картасы проекты кысаларында яшьләр өчен «Онытылырга хакы булмаган сугыш фаҗигасе» дигән батырлык сәгате узды.

Яшь буын вәкилләре үзләре өчен А. Кузнецов, Джон Бойн һәм Томас Кенилли кебек бөек язучыларның әсәрләрен ачты. Аларның иҗаты Бөек Ватан сугышының куркыныч битләрен һәм фаҗигасен яктырта. «Бабий Яр», «Мальчик в полосатой пижаме», «Список Шиндлера» китаплары укучыларга авыр заманда халыкның батырлыгы һәм геройлыгы турында тарихи бәян итүгә кереп чумарга мөмкинлек бирде. Чарада документаль романнан өзек укылды һәм 1946 елның 1679 нчы санлы «Немец-фашист басып алучыларының җинаятьләре» эше буенча суд процессыннан видеоматериал күрсәтелде. Судта шаһит буларак Дина Проничева – Бабий Ярдан исән чыга алган бик сирәкләрнең берсе чыгыш ясады. Аның җентекле итеп сөйләве беркемне дә битараф калдырмады. Катнашучылар фашистларның кешелеккә каршы рәхимсез җинаятьләрен искә төшерүче шигырь һәм музыкаль әсәрләрне ишетте.