«Бар заманнар һәм халыклар мөгаллиме: Януш Корчак» (12+)

14 нче санлы китапханә хезмәткәрләре 20 апрель көнне Укытучы һәм остаз елына багышланган «Бар заманнар һәм халыклар мөгаллиме: Януш Корчак» дигән телдән журнал үткәрде.

Очрашу башында мәктәп китапханәсе мөдире Русанова Надежда Николаевна кеше тормышында укытучының мөһим ролен, һәрберебезнең күңелендә җылы һәм якты истәлекләр калдырган укытучысы булуын билгеләп үтте. Һәм шундыйларның берсе, кешеләр йөрәгендә мәңгегә уелып калган күренекле поляк мөгаллиме, табиб, язучы, җәмәгать эшлеклесе Януш Корчак. Әлеге гаҗәеп кешенең идеясе, нигездә, бер була: тәрбияче үз балаларын яратырга тиеш. 
Алып баручы Януш Корчак тормышының мөһим битләренә тукталып узды. Шуларның берсе язучының биографиясенә, аның балачак һәм яшьлек елларына багышланды. Алга таба Януш Корчак турында фильм күрсәтелде, ул балаларны әлеге шәхеснең героик батырлыгы белән таныштырды. 1911 елда ул яһүд балалары өчен Варшавада Ятимнәр йортына нигез сала, 1940 елда ул Варшава геттосына күчерелә. Ә 1942 елда 200 бала белән бергә, тәкъдим ителгән иректән баш тартып, газ камерасында үзен җәзалы үлемгә дучар итә. 
Телдән журналның киләсе битендә Януш Корчакның иҗади эшчәнлеге турында сөйләштеләр. Аның әдәби талантына барлык жанрлар да хас була. Яшүсмерләр өчен Җир йөзендәге миллионлаган балаларның һәм өлкәннәрнең йөрәкләрен яулаган «Король Матиуш Первый» повесте тәкъдим ителде. 

«Правила жизни» китабына аерым игътибар бирелде, анда 15 бүлектә Я. Корчакның төрле хәлләр өчен тормыш кагыйдәләре турында фикерләре бирелгән: «Урам», «Мәктәп», «Матур – матур түгел», «Уңай яклар – кимчелекләр» һ.б. Фикер алышу барышында, балалар, әлеге китапка ияреп, үз тормыш кагыйдәләрен язды: «Табигатьне сакларга…», «Өлкәннәрне кыерсытмаска…», «Көнләшмәскә, ямансуламаска…», «Теләсә кайсы хәлдә дә бирешмәскә…» һ.б. Чара азагында Януш Корчак һәм аның балалары турында истәлек буларак үзәкөзгеч җыр яңгырады.