«Курчаклар-иптәш кызлар – иң яхшы уенчыклар» иҗади остаханә (6+)

Көзге каникуллар вакытында 16 нчы санлы китапханә хезмәткәрләре «Курчаклар-иптәш кызлар – иң яхшы уенчыклар» дигән иҗади остаханә уздырды. Борынгы заманнардан ук чүпрәк курчак рус халкының яраткан уенчыгы булган. Әниләр һәм әбиләр үз балаларына, оныкларына курчакларны Борынгы Русия вакытыннан ук ясаган. 

Чара барышында балалар халык курчагының мәгънәсе, Русиядә халык чүпрәк курчакларын ясау тарихы, шулай ук курчакларның өч төрдә: саклаучы, йола һәм уен курчаклары булуы турында мәгълүматлар алды. «Калактагы курчак», «Ботка», «Бармакка куян» кебек уен курчаклары турында күбрәк белде. Иске киемнәрдән тегеп ясалган куян рәвешендәге курчакны баланың бармагына кидереп куя торган булганнар. Шулай итеп нәни, әти-әнисе кырга эшләргә киткәндә, үзен ялгыз итеп хис итмәгән. Куян уенчык та булган, шул ук вакытта саклау һәм яклаучы да ролен үтәгән, чөнки аның белән уйнарга гына түгел, ә сөйләшергә, борчуларыңны уртаклашырга да мөмкин була. Шуннан соң яшь осталар үз куллары белән гади тукыма кисәкләреннән, фантазияләрен кушып, үзләре өчен «Бармакка куян» чүпрәк уенчык курчагы әзерләде. Нәни куянчыклар төрле-төрле килеп чыкты: озын колаклы, кечкенә һәм зур, әмма барысы да бик матур һәм кызык.