«Көйле-моңлы Чаллы» иҗади кунакханәсе (6+)

11 февральдә Үзәк балалар модель китапханәсендә Чаллы шәһәренең 400 еллык юбилеена һәм беренче «КамАЗ» йөк автомобиле чыгуга 50 ел булуга багышланган «Минем шәһәрем, син миңа кадерле!» фестивале кысаларында «Көйле-моңлы Чаллы» иҗади кунакханәсе оештырылды.

Чара кунаклары туган шәһәрнең музыкаль гореф-гадәтләренең бай тарихы белән танышты һәм «Тылсымлы ил» иҗат үзәге ансамблен бик җылы каршы алды.
Чаллы җырчысы һәм музыкант Хәят үзгә бер матур атмосфера тудырды. Ул үз иҗат юлының тарихы белән уртаклашты, укыган елларын искә төшерде һәм ничек итеп беренче тапкыр кулына скрипка алуы турында сөйләде.
Аның балалар белән җанлы аралашуы уңай кичерешләр калдырды, балалар артист сөйләгәннәрне  зур кызыксыну белән тыңлады һәм җылылык һәм үз эшенә ихлас ярату белән башкарылган музыкаль номерлары барысында да матур хисләр уятты. Очрашу бик җанлы үтте һәм бик күп яхшы кичерешләр һәм илһам бүләк итте.