«Укучының мәдәни көндәлеге» бәйгесенең шәһәр этабы җиңүчеләрен бүләкләү тантанасы (6+)

Шәһәр үзәк китапханәсендә «Укучының мәдәни көндәлеге» бәйгесенең шәһәр этабы җиңүчеләрен бүләкләү тантанасы узды.

Бәйрәм кунаклары – барысы да яратып карый торган «Фиксики» мультфильмы геройлары: Нолик һәм Симка залда утыручылар белән интерактив музыкаль минут һәм Фиксикларга багышлау уздырды.

Һәр елдагыча дипломнар һәм бүләкләрне тантаналы рәвештә директор Венера Марсил кызы Гайнуллина тапшырды. Барлык җиңүчеләргә шәһәребезнең мәдәният учреждениеләренә чакыру билетлары бүләк ителде. 
Чарада катнашучылар «Семь морей» камералы курчак театрының «Не нужна мне ваша каша» курчак спектален карый алды. Сәламәт яшәү рәвеше һәм дөрес туклану турындагы әлеге кызык спектакль балаларны үз гамәлләре өчен җаваплы булырга өйрәтә. 
Китапханә фойесында бәйрәм кунакларын җиңүчеләрнең мәдәни көндәлекләреннән торган күргәзмә каршы алды.