 2021 елның 1 сентябрендә ел саен уздырылучы «Китапханәләр. Алга китеш» бәйгесендә катнашу өчен гаризалар кабул итү башлана.
Бәйге китапханәләрне алга җибәрү өлкәсендәге иң яхшы тәҗрибәләрне ачыклау һәм популярлаштыруга, брендны булдыруга, медиакиңлектә һәм нәтиҗәле PR-коммуникацияләрдә җәлеп итәрлек имидж булдыруга юнәлтелгән. Ул дүрт номинациядә: «Китапханә бренд буларак», «Китапханәнең социаль проектны алга җибәрү», «Иң яхшы пиарчы – китапханәче яки китапханәнең матбугат хезмәте», «Социаль челтәрләрдә китапханәнең алга җибәрү» уза.
Бәйгедә Россиянең барлык дәүләт һәм муниципаль китапханәләре катнаша ала. Катнашу өчен гаризаларны проектның рәсми сайтында 1 октябрьгә кадәр тапшырырга кирәк.
Катнашучыларның эшләре актуальлеге, сыйфаты, дөреслеккә туры килүе, әһәмиятлелеге, аудитория өчен файдалы булуы, материалның китапханә ихтыяҗларына туры килүе һәм креативлылыгы кебек билгеләре буенча бәяләнәчәк. Бәйгене уздыру шартлары, гаризаларны тапшыру кагыйдәләре һәм эшләрне бәяләү критерийлары белән тулырак Нигезләмәдә таныша аласыз.
Җиңүчеләрне игълан итү һәм бүләкләү тантанасы ноябрь аенда Россиянең федераль һәм үзәк төбәк китапханәләре җитәкчеләренең ел саен үткәрелүче киңәшмәсендә узачак.
Җиңүчеләрнең эшләре бәйгенең сайтында басылып чыгачак, бу илебезнең барлык китапханә берләшмәләре вәкилләренә өлкәдәге иң яхшы PR-кейслар белән танышырга мөмкинлек бирәчәк.
Бәйгене оештыручылар: Россия Федерациясенең мәдәният министрлыгы, Россия дәүләт китапханәсе, «Яңа буын китапханәсе» проекты.
|
