Шәһәр Үзәк китапханәсенең балалар һәм яшүсмерләр бүлеге хезмәткәрләре Халыкара гаилә көненә багышланган «Без бергә чакта» дигән гаилә бәйрәме уздырды.
Китапханәче балаларны әлеге ямьле бәйрәм белән котлады һәм бу көннең тарихы, кеше тормышында гаиләнең роле турында сөйләде. Шулай ук гаилә – ул әти һәм әни, әби һәм бабай, абыйлар һәм апалар гына түгел икәнен билгеләп үтте. Чөнки ул әле – мәхәббәт, кайгырту, уртак шатлыклар һәм кайгылар да.
Чара барышында яшь китап сөючеләр В. Осееваның гаиләгә ничек файда китерү турында «Хорошее» хикәясен кычкырып укыды. Укучылар актив рәвештә гаилә һәм тормыш-көнкүреш әйберләре турында табышмаклар чиште, әти һәм әни, әби һәм бабай, тату гаилә һәм бер-береңә ярдәм итү турында шигырьләр укыды. «Әйдәгез, хыялланып алыйк», «Әйе яки юк?» уеннарында катнашты һәм «Китап геройлары гаиләләре» мини-викторинасы сорауларына җавап бирде.
If you have found a spelling error, please, notify us by selecting that text and pressing Ctrl+Enter.
|
