Китапханәдә Раштуа очрашулары үтте (0+)

Шәһәр үзәк китапханәсендә һәр елдагыча Раштуа очрашулары узды. Кече картиналар галереясында ЮНЕСКО һәм ТР рәссамнар берлеге әгъзасы Виктория Егорованың шәхси күргәзмәсе ачылды. Күргәзмәдә раштуа тематикасына майлы буяулар һәм акварель белән язылган төрле эшләр тәкъдим ителде.   

Ачылу тантанасы вакытында кунаклар рәссамның тормыш юлы белән якыннанрак танышты. Ул үзенең Кипр һәм Эфиопиягә АРТ-симпозиумнарга баруы турында сөйләде. Вернисажга аның дуслары, хезмәттәшләре, мөгаллимнәре килде. Рәссам адресына бик күп җылы сүзләр һәм теләкләр яңгырады. 
Чаллы сәнгать көллиятенең вокал бүлеге студентлары чыгышы кичәнең музыкаль бизәге булды. 
Шагыйрә Людмила Дорженковская кыш турында шигырьләр укыды һәм барлык кунакларга раштуа бәйрәмнәрендә иң яраткан күңел ачуларның берсе багу атмосферасына кереп чумарга тәкъдим итте.  
Теләге булган һәркемне күргәзмәгә чакырабыз. Күргәзмә 4 февральгә кадәр эшләячәк.