Тукай дөньясына сәяхәт (6+)

22 апрель көнне «Асылташ» социаль балалар йортының кече һәм урта мәктәп яшендәге тәрбияләнүчеләре өчен 11 нче санлы балалар китапханәсе хезмәткәрләре «Тукай дөньясына сәяхәт» дигән шигъри йолдызлар яңгыры уздырды. Чара бөек татар шагыйренең 135 еллыгына багышланган форум кысаларында оештырылды. 
Балалар шагыйрьнең тормыш юлыннан үзләре өчен бик күп яңа мәгълүматлар белде, татар халкының бөек халкы Габдулла Тукай турында замандашлары истәлекләрен тыңлады. Аның Ватан, туган тел, гади халык тормышын чагылдырган шигырьләрен укыдылар, «Таз», «Печән  базары, яхуд Яңа Кисекбаш», «Шүрәле» әкият-поэмалары белән таныштылар. Шулай ук очрашу барышында укучылар әкият һәм шигырьләрнең исемнәрен танып белдерләр, табышмаклар чиштеләр, «Бала белән күбәләк» шигырен сәхнәләштереп күрсәттеләр.
Китапханәчеләр укучылар өчен «Тукай иленә сәяхәт» дигән китап күргәзмәсе әзерләде. Анда Тукай иҗаты белән якыннанрак танышырга мөмкин булды.