Үзәк балалар китапханәсендә Пушкин көне. «Минем Пушкин» акциясе (0+)

6 июньдә, Александр Сергеевич Пушкинның туган көне хөрмәтенә, Үзәк балалар китапханәсендә «Минем Пушкин» акциясе үтте.

Көн дәвамында китапханәгә килгән укучылар Алтын балык биргән сорауларга җавап бирде, иллюстрацияләр буенча әкиятләрне таныды, әкият предметларын танып белде, бөек шагыйрь әкиятләреннән әйтелгән җөмләләрнең ахырларын искә төшерде, аның әсәрләреннән өзекләрне укыды. Сорауларга дөрес җавап табарга тематик күргәзмәдәге китаплар ярдәм итте.