«Баюн варислары»: танып белү-уен программасы (6+)

3 февраль көнне 14 нче санлы китапханә хезмәткәрләре «Баюн варислары» дигән танып белү-уен программасы уздырды.

Чарада 29 нчы гимназия укучылары катнашты. Иң башта китапханәче песиләр турында сөйләде. Балалар песи һәм кеше арасында үзара мөнәсәбәтләр үсешенең меңьеллык тарихы турында белде, «Без песиләр турында нәрсә беләбез», «Дүрт аяклы дусларыбыз турында мәкальләр һәм әйтемнәр» бәйгеләрендә, «Песиләр – китап һәм фильмнар геройлары» викторинасында катнашты. Балалар, берсен-берсе уздырып, үз песиләре турында сөйләде. Аларның үз йорт хайваннарын бик яхшы белүләре ачыкланды. 
Уеннар үткәрелде, «Песиләргә һәйкәл», «Кызык мәчеләр» видеоязмалары, шулай ук Юрий Куклачёвның песиләр театры чыгышы күрсәтелде. Балалар шулай ук төрле хайваннарның бергә ничек яшәве, аларның кеше белән дуслыгы турында белде, бергәләп мәче Леопольд турында мультфильмнан «Если добрый ты» җырын җырлады. Аларның игътибарына «Пушистые истории» китабына күзәтү ясалды, анда кешеләрнең дүрт аяклы дуслары турында китаплар һәм журналлар кертелде. Очрашу азагында комда песи рәсемен ясау буенча мастер-класс үткәрелде.