«Һөнәри компас- 2023»: һөнәри юнәлеш сәгате (12+)

Хәзерге заман хезмәт базарында үзеңне ышанычлы хис итү өчен «үз» һөнәреңне ничек табарга? Ничек итеп «модалы» гына түгел, ә ихтыяҗ зур булган һөнәрне сайлап алырга? Безнең шәһәрдә кайсы белгечлекләр актуаль һәм аларга ихтыяҗ бар? 13 апрель көнне өлкән сыйныф укучылары өчен 16 нчы санлы китапханә уздырган «Һөнәри компас – 2023» һөнәри юнәлеш сәгатендә менә шушы һәм башка сораулар күтәрелде. 

Чараның башында «Таныш булыгыз: һөнәр…» презентациясе тәкъдим ителде. Балалар «булдыра алам», «телим» һәм «кирәк» кебек төп төшенчәләр – һөнәр сайлаганда исәпкә алынырга тиешле кешенең мөмкинлекләре, сәләтләре һәм җәмгыятьнең ихтыяҗлары нисбәте, шулай ук Е. Климованың: «Кеше-Кеше», «Кеше – билгеләр системасы», «Кеше – сәнгати образ» квалификациясе белән танышты. Чара барышында «Яңа һөнәрләр – яңа заманга» кластер-уены һәм «Нәрсә? Кайда? Кайчан?», «Киләчәк һөнәре» дигән һөнәри юнәлештәге уеннар үткәрелде. Яшүсмерләр шулай ук бүгенге көндә илебездә, аерым алганда, шәһәребездә нинди һөнәрләргә ихтыяҗ зур булуы турында фикер алышты. Чара азагында катнашучылар өчен Е.А. Климованың билгеле бер эшчәнлек өлкәсенә карата һөнәри юнәлешне билгели торган һөнәри юнәлеш буенча тест үткәрелде. 

Чара азагында яшьләр, һөнәрне дөрес сайлау өчен, махсус әдәбият укырга, әлеге өлкәдә белемнәрне киңәйтергә, шулай ук белгечләр, психологлар, укытучылар белән очрашырга кирәк дигән нәтиҗә ясады.