«Смотри: Байкал!» китап-сәяхәтен тәкъдим итү (6+)

15 ноябрь көнне Үзәк балалар модель китапханәсендә кече мәктәп яшендәге балалар өчен, «ЭКО-сәяхәтчеләр» экологик клубы эше кысаларында, «Смотри: Байкал!» китап-сәяхәтен тәкъдим итү чарасы узды. 

Балалар, Байкал күленең матурлыгы, мәһабәтлеге һәм кабатланмаслылыгы турында сөйләүче видеоязманы карап, әлеге сулыкның ни өчен бөтен планетабызның байлыгы булып саналуы турында белде. Китапның бер битеннән икенчесенә күчеп һәм күл буйлап читтән торып сәяхәт итеп, балалар аның тарихы, гадәти булмаган яшәүчеләре, андагы экологик проблемалар белән танышты. 
Чара «Без Россиядә яшибез» мультипликацион проектының Байкал күленә багышланган мультфильмын карау белән тәмамланды.