«Нәүрүз – ямьле яз бәйрәме» (0+)
23 март көнне 14 нче санлы китапханәдә Татарстан Республикасында милли мәдәниятләр һәм гореф-гадәтләре елына һәм язгы көн белән төн тигезләшү көненә багышланган Нәүрүз бәйрәме узды. Китапханәче бәйрәмнең килеп чыгу тарихы, халык гореф-гадәтләре һәм йолалары турында сөйләде. Яз килүне төрле халыклар төрлечә билгеләп үтә, әмма барысы өчен дә – ул табигатьнең уянуы, тормыш тантанасы була. Балалар бәйрәмнең төп традициясе – табигатьнең җанлану символын аңлаткан бодай орлыгын үстерү турында белде. Һәм үзләре дә җиргә орлыклар чәчеп карады. |