«Халыклар күп, Татарстан – бер!» бәйрәм чарасы (6+)

Татарстанда Туган телләр һәм халыклар бердәмлеге елы кысаларында, 14 октябрь көнне 15 нче санлы китапханә тарафыннан кече мәктәп яшендәге балалар өчен «Халыклар күп, Татарстан – бер!» дигән бәйрәм чарасы уздырылды. 

Чара балаларның «халыклар бердәмлеге» сүзләренең мәгънәсен ничек аңлаулары, сыйныфта төрле милләт балаларын дуслык берләштерүе турында кыскача әңгәмәдән башланды. Яшь китап сөючеләр танып белү-мавыктыргыч сәяхәте кылды һәм Татарстанның төрле халыкларында – рус, татар, башкорт, удмурт һәм башкаларда кунакта булды. шәһәребездә билгеләп үтелүче халык бәйрәмнәре: Сабантуй, Май чабуны искә төшерделәр һәм «Карга боткасы», «Исем кушу» кебек татар бәйрәмнәрендә беренче тапкыр ишеттеләр. Балаларга аеруча «Калакка йомырка салып йөгерү» татар халык уены, «Ачкычлы» мордва уены, «Йөзек» мари уены ошады, алар бу уеннарда актив катнашты һәм күңел ачты. «Башкортстан буенча сәяхәт» видеоязмасы балаларга ямьле Башкортстан якларын күрергә ярдәм итте. «Халыклар дуслыгы – Татарстанның байлыгы» китап күргәзмәсе белән танышып, балалар китапның башка халыклар турында күп мәгълүмат алырга ярдәм итүе турында белде.
Чара «Волжские богатыри. Иван-батыр» чуваш әкиятен карау белән тәмамланды.