«Бүген кызларның бәйрәме!» бәйрәм-уен программасы (6+)

5 март көнне 10 нчы санлы китапханәдә, иң назлы һәм матур язгы бәйрәм якынлашканда, бәйрәм чарасы узды. «Укымышлы мәчедә кунакта» клубында катнашучы балаларны бәйрәм-уен программасына чакырдылар. 
Чараның кереш өлешендә китапханә хезмәткәрләре балаларга бәйрәмнең килеп чыгу тарихы һәм аны дөньяның төрле илләрендә ничек билгеләп үтүләре турында сөйләде. 

Шуннан соң яшь китап сөючеләр зур кызыксыну белән «Әкияттәге әниләр» викторинасы сорауларына җавап бирде, «Татлы» бәйгесендә кулинар табышмакларны чиште, «Ромашка», «Әниемә муенса бүләк итәм» бәйгеләрендә, «Кызлар-йолдызлар» дигән рәсем ясау уенында катнашты.

Чара клубтагы егетләрдән котлау сүзләре белән тәмамланды.