«Әниләр коворкингы: уйный-уйный өйрәнәбез» гамәли мастер-класс (6+)

Шәһәр китапханәсендә мәктәпкәчә яшьтәге балалар белән әниләргә исәпләнгән «Әниләр коворкингы: уйный-уйный өйрәнәбез» дигән гамәли мастер-класс узды. Чара «Бердәм Россиянең хатын-кызлар хәрәкәте» партия проекты һәм «Хатын-кызлар курсы» белем бирү проекты кысаларында үтте.

практический мастеркласс (1)
практический мастеркласс (6)
практический мастеркласс (4)
практический мастеркласс (5)
практический мастеркласс (7)
практический мастеркласс (3)
практический мастеркласс (2)
Очрашуның максаты — әниләргә балаларда ирекле формада сөйләм, игътибарлылык, кече моторика һәм әйләнә-тирәдәгеләр белән аралаша белү кебек мөһим күнекмәләрне үстерергә мөмкинлек бирүче уеннарны үзләштерергә ярдәм итү. 2-3 яшьлек балалары булган 12 әни катнашучы булды, алар теорияне тыңлап кына калмады, ә шунда ук нәниләре белән бергә бу методикаларны гамәлдә кулланып карады. 
Мастер‑класс программасы берничә интерактив блокны үз эченә алды. Башта бала өчен гади һәм аңлаешлы интрукцияләрне формалаштыру буенча зур булмаган тренинг үтте: китапханәче, бала биремне шатланып кабул итсен өчен, аны ничек дөрес итеп тәкъдим итәргә икәнлеген күрсәтте. Аннан соң гаиләләр өч уен модуленнән торган гамәли өлешкә кереп чумды. 
Беренче — «Сенсор әлифбасы»нда әниләр балалар белән бергә ярмаларны аралады, ташлар һәм төймәләрдән хәрефләр тезде, билгеле бер авазга предметларны атады. Бу фонематик ишетүне һәм кече моториканы күнектерергә ярдәм итте.
«Китап киштәсе буенча мини‑квест» дигән икенче өлештә гаиләләр кыска биремнәр үтәде: тышлык төсе, герой исеме буенча китапны тапты, биттәге иллюстрацияләрне санады. Шулай итеп балалар китапханә киңлегендә ориентлашырга, ә әниләр гади биремнәр формалаштырырга өйрәнде. 
Өченче «Тарихны дәвам итеп» дигән өлештә катнашучылар чиратлап әйберләр белән карточкаларны тартып чыгарды һәм уртак әкияткә берәр җөмлә өстәде. 
Һәр гаиләгә өй эшләре өчен материаллар тапшырылды: биремнәр белән карточкалар, дидактик уеннар ясарга мөмкин булган көнкүреш әйберләре исемлеге, һәм ритмалы текстлар һәм эре иллюстрацияләр белән китаплар тупланмасы — алар барысыннан да бигрәк уенлы укулар өчен туры килә.
Очрашу нәтиҗәләре буенча катнашучылар идеяләрнең гадилеге һәм кул астындагы материалларны – капкачлар, оекбашлар, ярмалар, карандашлар куллану мөмкинлеге күңелләренә хуш килүе турында фикерләре белән уртаклашты. Күпләр көненә 10-15 минутлык шундый уеннарның баланы җәлеп итүне яхшыртуын һәм гадәти мизгелләрне кызыклырак итүен билгеләп үтте. 
Мастер‑класс «Хатын-кызлар курсы» проекты агарту юнәлешенең бер өлешенә әйләнде: ул баланы кайгыртуны, үзүсешне һәм теләктәшлек күрсәтүче берлектә тәҗрибә уртаклашуны ничек бергә алып барырга икәнлеген күрсәтте. 
#ЖенскоеДвижение#Женский Курс

If you have found a spelling error, please, notify us by selecting that text and pressing Ctrl+Enter.

Поделиться: