«Һәвәскәр механик Кулибин»: танып белү сәгате (6+)

23 нче санлы китапханәдә, Фән һәм технологияләр елына багышланган «Дөньяны үзгәрткән ачышлар» программасы кысаларында, уртанчы сыйныф укучылары өчен «Һәвәскәр механик Кулибин» дигән танып белү сәгате үтте.

Балалар уйлап табучы Иван Кулибин тормышыннан кызыклы фактларны белде һәм аның ачышлары белән танышты. Укучылар зур кызыксыну белән башваткычны чиште, мәкальләр «җыйды», тапкырлыкка бәйгедә ярышты һәм транспорт, көнкүреш техникасы турында табышмакларга җавап эзләде. 
Фәнни басмалардан, шулай ук галимнәр һәм уйлап табучылар, фәнни экспериментлар һәм тәҗрибәләр турында китаплардан торган күргәзмә әзерләнгән иде.